ሓድሽ ኣብ ሽወደን – ንዓኻ ስደተኛ ዝኾንካ

ካብ በዓል-መዚ ሓገዛት ትምህርቲ (CSN) እትረኽብዎ ሓገዝን ልቓሕን

እቶም ስደተኛታት ዝኾንኩም ኣብ ሽወደን ክትመሃሩ እትደልዩ ሰባት፡ ካብ በዓል-መዚ ሓገዛት ትምህርቲ (CSN)፡ ብነጻ ዝወሃብ ገንዘባዊ ሓገዝ ክትወሃቡን ከምኡ ውን ንሱ ምስዘይኣኽለኩም ክትልቕሑ ውን ትኽእሉ ኢኹም። እዚ ዕድል’ዚ ኸኣ፡ ድጋፍ-ትምህርቲ (studiestöd) ተባሂሉ ይጽዋዕ። ድጋፍ-ትምህርቲ፡ ነቶም ዝመሃሩ ሰባት ትምህርቶም ኣብ ዝከታተሉሉ እዋን፡ ምስ ክራይ፡ መግብን ካልእ ዘድልዮም ነገራትን ዝተኣሳሰረ ወጻኢታት ንምሽፋን ተባሂሉ ዝወሃብ ድጋፍ እዩ።

ናይ ሽወደን ፍቓድ መምርሒ-መኪና ምስዘይህልወኩም ካብ በዓል-መዚ ሓገዛት ትምህርቲ (CSN) ገንዘብ ክትልቅሑ ትኽእሉ ኢኹም። እዚ ኸኣ፡ ልቓሕ መምርሒ-ፍቓድ (körkortslån) ተባሂሉ ይጽዋዕ።

ዝተፈላለዩ ዓይነታት ድጋፍ

ዕድመን ደረጃ ናይቲ ክትመሃርዎ ዝደለኹም ትምህርትን መሰረት ዝገብር፡ ዝተፈላለየ ዓይነታት ድጋፍ ኣሎ። እቶም ኣዝዮም ፍሉጣት ዝኾኑ ዓይነታት ድጋፍ እዞም ኣብ ታሕቲ ሰፊሮም ዘለዉ እዮም:

መሰል ናይ ትምህርቲ ሓገዝ ኣብ ሽወደን

መብዛሕቱ ግዜ ሓደ ካብ’ዞም ዝስዕቡ ጠለባት ምስ ዝማልኡ፡ መሰል ናይ ትምህርቲ ሓገዝ ኣብ ሽወደን ይህልወካ፡

• ኢሚግሬሽን ሽወደን ሕቡራት ሃገራት ብዝፈልጠኦ ዑቕበኛ(1ይ ደረጃ ዑቕበኛ) ወይ ብኣማራጺ ዑቕበኛ(2ይ ደረጃ ዑቕበኛ) ወይ ብፍሉይ ተኣፋፊ ኲነታት(3ይ ደረጃ ዑቕበኛ) መንበሪ ፍቓድ ሽወደን ምስ
  ዝህበካ።ሲ.ኤስ.ኤን(ሃገራዊ ቦርድ ትምህርቲ) ነቲ ዝተወሃበካ መንበሪ ፍቓድ ምስ’ቲ 1ይ ደረጃ መንበሪ ፍቓድ ማዕረ ገይሩ ምስ ዝሰሮዖ እዉን ናይ ትምህርቲ ሓገዝ ክወሃበካ መሰል ክህልወካ ይኽእል እዩ።
• ኢሚግሬሽን ሽወደን ብመሰረት እዚ ሓድሽ ሕጊ 2ይ ደረጃ ምህርቲ(ጂምናዝየ ላገን) ወይ በቲ ዝሓለፈ ግዝያዊ ሕጊ መንበሪ ፍቓድ ምስ ዝህበካ።
• ኣብ ሓንቲ ኣላይት ስድራ(familjehem) ወይ ኣብ ሓደ ብመንግስቲ ሽወደን ዝካየድ መእለዪ መንእሰያት
  (HVB-hem) ምስ ትውዛዕ፡ መብዛሕታኡ ግዜ መሰል ናይ ትምህርቲ ሓገዝ ክህልወካ ይኽእል እዩ።
  • ዕድሜኻ ትሕቲ 20 ክኸውን ኣለዎ
  • ዘይወደቐ ዘገልግል መንበሪ ፍቓድ ሽወደን ክህልወካ ኣለዎ
  • ኣብ’ቲ ዘለኻዮ መእለዪ ቦታ በቲ በዓል-መዚ ከም ዝተወዛዕኻ ዝሕብር ውሳኔ ክህልው ኣለዎ።
• ብሽወደናዊ በዓል-መዚ ሓደ ፍሉይ ሞግዚት ምስ ዝስለዓልካ መብዛሕቱ ግዜ መሰል ናይ ትምህርቲ ሓገዝ ኣለካ።ኣብ ከም’ዚ ኲነታት
  • ዕድሜኻ ትሕቲ 20 ክኸውን ኣለዎ
  • ዘይወደቐ ዘገልግል መንበሪ ፍቓድ ክህልወካ ኣለዎ

እቲ መንበሪ ፍቓድ ሽወደን ዘይወደቐ ዘገልግል ክኸውን ኣለዎ

መሰል ናይ ትምህርቲ ሓገዝ ክህልወካ እንተኾይኑ እቲ መንበሪ ፍቓድ ዘይወደቐ ዘገልግል ክኸውን ኣለዎ።መብዛሕቱ ግዜ መሰል ናይ ትምህርቲ ሓገዝ ካብ’ታ ብኢሚግሬሽን መንበሪ ፍቓድ ሽወደን ትወሃበካ ሳምንቲ ጀሚሩ ይህልወካ።

ሓተቲ-ዑቕባ

ኣብ ሽወደን መንበሪ-ፍቓድ ተዋሂቦም ዘይፈልጡ ሓተቲ-ዑቕባ ድጋፍ ትምህርቲ ናይ ምርካብ መሰል የብሎምን።

ብዝርዝር ንምንባብ

ኣብቲ Languages ዝብል ዘሎ ብቋንቋኹም ዝተዳለወ ዝተፈላለየ ሓበሬታታት ኣለኩም።