Potjin palpale o sitjarimaskounzhulipe

Kana kezdi te potjinav palpale?

Te si kado tuke anglunes kaj lan sitjarimaskounzhulipe atunchi tu potjines palpale majsigo shov shon pala kodo kana sas tut sitjarimaskolov.

Kana avla e vrama te potjines avla tut jekh lil pa CSN khetanes kusa jekh potjinimaskoplano thaj potjinimaskeceduli. Kado tut resel khetanes kusa o bersheskoparujipe.

Lan tu sitjarimaskounzhulipe majsigo thaj kezdisardan te potjines palpale? Atunchi tu kezdis te potjines direktno kana aba chi les sitjarimaskolov.

Kachi trobul me te potjinav?

Ando chiro bersheskosikajipe, savo tu les sako bersh ando januari, tu shaj te dikhes kachi tu te potjies thaj savi e bersheski renta.

Kachi tu trobul te potjies sako bersh (bersheskolov) ashol pala:

• kachi tu lan unzhule
• kachi bari e renta
• jekh opreginajimaskonumero pe majbut duj procentura ando bersh
• kachi lungo vrama tu potjines pe chiro unzhulipe.

Sar te potjinav?

Tu shaj te alos te potjies palpale chiro sitjarimaskounzhulipe po autogiro, e-faktura vaj potjinimaskicedula. Te beshes avri anda Shvedo, tu shaj potjies chiro unzhulipe pe potjinimaski kartja (sar VISA).

Autogiro – ker kado pa chiro internetbanko, e love cirdenpe automatik pa chiro konto.

E-faktura – ker kado pa chiro internetbanko, tu ashos opre te potjines chiri e-faktura direkto ando internetbanko.

Andepotjinimaskicedula – maj ushoro potjines ando chiro internetbanko pa kodo so iskiri pe cedula.

Potjinimaskikartja – tu savo beshes avri anda Shvedo shaj te potjines pe chiri potjinimaski kartja savi si pe Visa vaj Mastercard pe Mure riga.

Kachi lungo vrama potjinav me?

Tu shaj sar majbut te potjines palpale o unzhulipe ande 25 bersh. O unzhulipe trobul te avel tele potjindo zhikaj tu pheres 64 bersh. Zavisi pala chire bersh thaj kachi san ando unzhulipe shaj avel te potjines palpale majsigo. Ando chiro bersheskosikajipe tu shaj te dikhes kachi vrama tut si te potjies palpale chiro sitjarimaskounzhulipe.

Kachi butivar te potjinvav?

E-zhutipe Paruv pe shoneskopotjinipe:

O maj prosto si ke tu potjies shtarval ando bersh (februari, maj, augusti thaj november) feri tu shaj korko te paruves pe kodo te potjines sako shon pe Mure riga.

Phares te potjinies o unzhulipe

E-zhutipe Shude angle jekh potjinipe:

E-zhutipe Paruv pe shoneskopotjinipe:

E-zhutipe Rode te potjines maj cera:

Tu korko shaj te shudes angle jekh potjinipe jek shon vaj te paruves pe shoneskopotjinipe pe Mure riga.

Tu shaj vi te rodes te potjines maj cera pe jek vrama. Kodo bushol teleperajipe. Tut shaj avel chachipe po teleperajipe te si tut cini potjin vaj anda kaver bajura. Kaver bajura shaj avel ke kam si tut socijalo. Te avla tut teleperajipe atunchi kado shaj kerel angle ande vrama te vazdelpe chiro bersheskolov.

Te avla tuke sajekh phares te potjines o unzhulipe ame kamas tu te vorbis amende, kade te shaj keras khetanes te avel somaj feder vorta tuke.

Teleperajipe – potjin maj cera tela jek vrama (shvedicka)

Tu tena potjinesa

Tu tena potjinesa o unzhulipe pala potjinimaskoplano, avla kado:

• Ame bishavas jek kaver lil tena bistres thaj tu musaj avla te potjines 450 koroni pe kado lil.
• Tena potjinesa ame bishavas tuke jek lil tena bistres pala jek shon. Atunchi tu musaj te potjines inke 450 koroni.
• Sajekh tena potjinesa, bishavas tuke jekh musajimaskolil tuke.
• Tena potjinesa o musajimaskolil bishavas ame chiro bajo po Kronofogden. Atunchi shaj te les jek potjinimaskidosh. Te beshes avri anda them ame bishavas chiro bajo pe jekh inkasofirma.

Pa zhanajimaskopotjinipe (shvedicka)

Potjin majbut vaj intrego sitjarimaskounzhulipe

Tu shaj te potjines majbut pe chiro sitjarimaskounzhulipe te shaj potjines tele chiro unzhulipe majsigo. Tu shaj vi te potjines intrego chiro unzhulipe jokhvarsa. Kontaktulin o CSN te kames te potjines majbut.

Palpalemusajipe- te lan sitjarimaskounzhulipe pe savo tut nas chachipe

Te lan tu love pa CSN save tut nas chachipe te les, tu musaj te potjines len palpale. Tu les atunchi jekh palpalemusajimasko lil. Kodo shaj avel ke tu ashadan tele chire sitjarimata vaj varesavo kurso.

Te lan jekh palpalemusajimasko lil tu trobus te potjines kado anda jek. Tu les jekh potjinimaskicedula khetanes kusa o lil pa palpalemusajipe.

Tu trobus te potjines vi e renta. Ame las avri vi ekspedicijakikoshta pe 100 koroni pe sako musajimaskolil thaj bersh.

Te si tuke phares te potjines o CSN shaj ande varesave bajura te ashon opre te potjines pe kotora. Vorbisar amende te kames te vorbis pa o shajipe te potjines pe kotora.

Tu te mukesa o them

Tu te mukesa o them tu trobus te potjines majdur palpale sa pala chiro potjinimaskoplano. Na bister atunchi te paruves chire neve kontaktoskezhanajimata ande Muro profilo pe Mure riga. Tu te beshesa majbut sar jekh bersh avri anda them atunchi tu trobus kado te phenes po Skatteverket.

Importantoj le chache kontaktoskezhanajimata

E-zhutipe Muro profilo:

Kado si importantno te avel amen chire chache kontaktoske zhanajimata pe tute ande Mure riga, ame te shaj resas tut po telefono vaj e-lil. Atunchi ame shaj kontaktulinas tut kana tut trobul informacija amendar. Zha ande pe Mure riga thaj dikh perdal save kontaktoskezhanajimata khote si. Te si kade ke o zhanajipe pa tute naj lasho atunchi ginav majbut pe rig Zhaltar vaj paruvel adresi (shvedicka).