Putčin palpale čiro vunžilimos pala é vužskala

Kana te lav man te putčinav palpale?

Te si é angluni data kana lan vunžilimos pe vužskala atunči les te putčines palpale pala šov šhon sar lan tut anda ghor.

Kana si vrama te putčines palpale atunči bišavel o CSN jekh lil tuke sar kames te butčines. Gado lil bišadjol tuke o angluno šhon le beršhesko Januari.

Te lan vunžilimos maj anglal atunči musaj tuke te butčines direktno kana ašadan čiro vužskala.

Sode lov musaj mange te butčinav?

O lil kaj bišhadol tuke ando Janurai kote ašel sode lov musaj tuke te putčines thaj sode si lé beršeské procenta.

Sode lov musaj tuke te putčines svako berš (čiro beršesko putčin) zaličil:

• Sode lov lan pe vunžilimos pe vužskala
• Sode bari é procenta
• Jekh ginesko sifra pe duj procenta pe berš
• Sode berš vajke šon musaj tuke te putčines

Sar te putčinav?

Tu šaj putčines o vunžilimos pe autogira, te si tut E-faktura (Bank ID) vajke pe lil kaj bišadol svaklo šon tuke pe čiri adresa. Te bešes andé jekh aver them atunči šaj putčines pe čiri kartča.

Autogira – Kana čirdel čiri banka automatitzno katar čiro lil.

E-faktura – Kana butčines pe čiro telefono te si tut Bank ID.

Lil é putčinemasko – Kana bišadjol tuke svako šon pe lil pe čiri adresa.

Kartča – Kana bešes ando aver them thaj si tut Visa vajke Mastercard pe čiro rig pe CSN.

Sode berš vajke šon musaj mange te butčinav?

So maj but berš sar 25 naj tuke maj but te putčines sar lan o vunžilimos. O vunžilimos musaj te avel gata gipon sa godola berš sar perdos 64 beršesko. Šaj vi avel maj skurto vrama zaličil sode vunžilimos si tut. Ando lil kaj bišadol tuke ando Januari ašel sode vrama si tuke te putčines palpale.

Sode divar te putčinav?

 E-lekotimatzia Parov te putčines svako šon:

Štarvar ando berš musaj tuke te butčines (Februari, Maj, Augusti thaj November) numa tu korokorro šaj paruves te kamesa te putčines svako šon te si tut Bank ID.

Paro te putčines palpale

E-lekotimatzia Spide angle jekh vunžilimo:

 E-lekotimatzia Parov te putčines svako šon:

 E-lekotimatzia Puš te šaj putčins maj cera so trubulpe:

Tu korkorro šaj spides angle jekh šonesko vunžilimata vajke te paroves te avel tuke svako šon.

Šaj vi mages te pušes te šaj putčines maj cera so trubulpe jekh vrama. Gado bušol Nedsättning, gado zaličil kana o lov naj baro vajke te trajis pe čorengo kheresko lov (Försörjningsstöd). Te manges godo so bušol Nedsättning šaj vi barudjol o vunžilimosko procenta te vasdelpe.

Te si tuke sa-jekh paro te putčines palpale o vunžilimos atunči kamas tutar te mares amenge, thaj kotar šaj dikas so šaj keras te žutinas tut te avel maj vozoro.

Putčin maj cera tela jekh vrama (på svenska)

Te či putčines

Te či putčines pe vrama , gado maladjol:

• Ame kaj bišavas tuke strafo pe 450 švediska kroni kaj či putčindan pr vrama.
• Te či putčindan o strafo, atunči bišhavas inke maj jekh strafo pe 450 SEK thaj musaj te putčines 900Kr
• Te či areslan te putčindan pe duj šon atunči bišavas tuke te butčines intrego vunžilimata so lan pe vužskala..
• Te či areslan te putčindan o vunžilimata atunči bišadol o vunžilimata kaj o kronofogdo. Kote šaj areses te avel tuke jekh strafo pe čiro anav thaj paro avel tuke te les aver vunžilimata ando thém Švedo. Te bešes ando aver them atunči bišhavas direktno kalj jekh inkasso ando čiro them.

Kana bišavas tuke jekh lil te či putčindan pe vrama (på svenska)

Putčin maj but vajke intrego čiro vunžilimos

Šaj putčines maj but be čiro vunžilimos te avek maj skurto vrama te putčines. Šaj putčines intrego čiro vunžilimos anda jekh data. Lé kontakto pe CSN te kams te putčines maj but.

Zirdel palpale le lov- te lan vunžilimos kaj nas slobodno

Te lan lov katar o CSN thaj nas slobodno te acek tut, atunči musaj tuke te putčines intrego vunžilimos. Jekh lil bišadol tuke kaj ašel sostar nas tukel é les vunžilimos anda ghor. Šaj avel sar jekh exemplo ke tu korkorro či maj pires pe vužskala, vaj či avilan pe vrama butivar.

Bišadol tuke jekh lil te putčines anda jekh data. Avel tuke čena pe lil sode te putčines. Musaj vi te putčines. Ame las vi-jekh exepedtion čena pe 100 kr pe vunžilimos. Te si paro te putčines palpale kaj o CSN atunči lé kontakto amensa te šaj keras jekh kredita tuke te šaj avel tut mojlivo te putčines.

Te mutčis tut ando aver thém

Te mutčis tut ando aver them, musaj tuke te putčines pe čiro vunžilimos svako štarto šon vaj svako šon. Na bister te ramosares ke mutčindan tut ando aver them pe čiro rig pe CSN. Te bešlan maj but sar jekh berš ande jekh aver them atunči musaj tuke te les kontakto é Skatteverket.

Važno si te dan vorta informatzia pe tute

 E-lekotimatzia Muri profila:

Važno si amenge te dan vorta informatzia pet ute pe čiro rig pe CSN, te šaj avel amenge maj vusoro te mares tuke pe telefono vajke e-mail. Atunči šaj les kontakto amensa te trubul tut vareso amendar. Dža andré pe čiro rig thaj dik vorta te dan čačo informatzia pet ute. Te naj vorta atunči dža andré pe gadi rig Mutčis tut vajke barodan adresa (på svenska).