Platin o krediti studiribase

Keda valjani te počinav te irinav o bordži?

Te tuče akava o jekhto drom so ljeljan o krediti studiribase, počineja te irine najangljeder šov masek palo odova so dobijan o pare o paluno drom.

Ked ka avel o vakti te platine ka dobine čhere jekh ljilj ando CSN kuri ka ovel o plani sar te platine hem o računi kuri te platine. Odova ka dobine ked ka nakhelpe ando jekh ko aver berš.

Ljeljan lji o krediti studiribase angljeder hem počijan te platine napalal? Tegani valjani te počine te platine odmah čim pobuter na dobineja odija podrška.

Kobor valjani te platinav?
Ano toklo beršeso proračun, kova dobineja svako berš ko januar, šaj te dikhe kobor ka platine hem kobor tani i kamata.

Kobor ka platine svako berš (beršeso bordži) zavisini ando odova :

• kozom krediti vazdijan
• kozom bari tani i kamata
• kobor ikljola ked račujinipe najviše duj procentija ko berš
• kobor vakti ka ljel te planite celo to bordži.

Sar te platinav?
Tu šaj te birine da lji ka platine ko automatsko platibe (autogiro), elektronsko faktura (e-faktura) ja te dobine platno kartica. Te živineja ko aver phuv šaj te platine te bankovno kartica.

Autogiro – prijavin tut prekalo ti internet banka, o pare automatski ikaljenape ando to konto.

E-faktura - prijavin tut prekalo ti internet banka, tu platineja ti elektronsko faktura direktno ki ti internet banka.

Platno kartica – jednostavno platineja ki tiklji internet banka e informacijencar kola dobijan ko računi.

Bankovno kartica – tu kova živineja ki aver phuv šaj te platine te bankovno kartica koja tani povezimi ki Visa ja Mastercard ko Meklje riga.

Kobor dugo ka platinav?

Najbaro period ko kova mora te platine tano 25 berš. O bordži mora te ovel platimo ked pherdžan 64 berš. U zavisnosti kobor berš isi tut hem kobor baro to bordži, šaj te dobine pokratko vakti te platine o krediti. Ko to beršeso proračun šaj te dikhe ko kova period dobijan te platine to krediti studiribase.

Kobor često ka platinav?

E-usluge Promin te platine ko masek:

Obično platinipe štar putija ko berš (februar, maj, avgust hem novembar) ama tu kokri šaj te promine hem te platine svako masek. Odova čereja ko Meklje riga.

Pharipe te platine o krediti

E-usluge Pomerin jekh uplata te platine ponodri:

E-usluge Promin te platine svako masek:

E-usluge Rode te platine pohari:

Kokri šaj te pomerine jekh uplata jekh masek ja te promine o masekoso platibe ko Meklje riga.

Tu šaj te pisine molba te platine pohari ko jekh period. Odova vičinipe teljaripe/smanjibe (nedsättning). Tu šaj te ovel tut pravo ko teljaripe/smanjibe te isitu tikne primanja ja aver posebna sebepija. Posebno sebepi šaj sar ko primer te ovel ako dobineja socijalno pomožibe. Ked odobrinipeče teljaripe/smanjibe, odova šaj te značini so i beršesi cifra ki budućnost šaj te ovel pobari.

Te ipak isi tut pharipe te platine to bordži, mangaja rado re vičinemen, te šaj ki kupa te arakha najšukar rešenje baš teklje situacijače.

Teljaripe/smanjibe – platin pohari ko jekh period (ko švedski)

Te na platijan

Te na platineja o krediti ko vakti sar dogovorimo, tegani ovela akava:

• Amen bičhala jekh opomena kuri valjani te platine 450kr i naknada opomenače.
• Te na platijan odova amen bičhala pana jekh opomena palo jekh masek. Tegani paljem mora te platine pana 450kr.
• Te ipak na platineja, dobineja amendar jekh ljil kuri zahtevina te platine.
• Te i dalje na platineja odova zahtev, tegani bičala to slučaj ko Kronofogden. Tegani šaj te dobine jekh pečati ki kalji knjiga. Te živineja ki aver phuv, tegani to slučaj džala ko dijekh Inkasso firma.

Andi naknada opomenače (ko švedski)

Platin pobuter ja celo krediti

Tu šaj te platine o krediti pobuter ko masek, te šaj te isplatine to krediti posigate. A isto šaj te platine celo to krediti ando jekhvar. Kontaktirin o CSN te mangeja te platine pobuter.

Rodibe napalal – te dobijan studiribasi stipendija ki koja na hine tut pravo

Te dobijan pare ando CSN ko kola na hine tut pravo, mora te irine o pare napalal. Tu ka dobine jekh ljil kuri o pare rodenape napalal (återkrav). Odova šaj te ovel te prekidijan to studiribe ja ačhadžan dijekh kurs.

Te dobijan te platine napalal tegani mora te platine sa ando jekhvar. Tu tegani dobineja jekh platno kartica ki kupa e odluka so andžape.

Tu valjani te platine hem i kamata. Amen la hem jekh naknada za obradu koja tani 100kr jekh rodibe.

Te isi tut pharipa te platine šaj o CSN ko disave situacije te odobrini te platine ko rate. Vičinmen te mangeja te vačera ando šajipa te platine ko rate.

Te seljindžan tut ki aver phuv

Te seljindžan tut ki aver phuv valjani hem ponodri te platine sar so dogovorimo ko rate. Ma bistri te promine o informacije ando tute ko Moklo profili ko Meklje riga. Te ka živine ki aver phuv pobuter ando jekh berš odova valjani te prijavine ko Skatteverket.

Važno te ovelmen tačna kontakt informacije

E-usluga Moklo profili:

But tano važno te ovelmen tačna kontakt informacije ando tute ko Meklje riga, te šaj te dobina tut prekalo telefoni ja ko mejl. Ko odova slučaj šaj te dobina tut ked valjaniče dijekh informacija amendar. Khuv ko Meklje riga hem kontrolisin kola kontakt informacije pisinena othe. Te nane tačna informacije čitin pobuter ki stranica Seljinama ja promijum i adresa (ko švedski).