session uppdatera gms varning förnya
Vill du stanna kvar på sidan?
Du har varit inaktiv i en längre stund och kommer att bli utloggad om du inte väljer att stanna kvar på sidan.
Automatisk utloggning sker om cirka
Stanna kvar på sidan
Problem med nätverket
Inget internet. Kontrollera din nätverksanslutning.
Tillfälligt tekniskt fel

Sámi - davvisámegiella

CSN lea eiseváldi mii gieđahallá ruoŧa oahppodoarjaga, namalassii doarjja ja loana ohppui. Mii gieđahallat maid vuodjingoartaloanaid ja ruovttoreaidoloanaid. Dás sáhtát lohkat eanet daid sierra doarjagiid birra. Diehtojuohkin sámegillii lea oppalaš dásis.

Du riekti geavahit našuvnnalaš unnitlogugiela

Gullot go soames daid našuvnnalaš unnitloguide de dus lea riekti geavahit iežat giela eiseváldeoktavuođain. Ruoŧa našuvnnalaš unnitlogut leat judalaččat, romat, sámit, ruoŧasuopmelaččat ja duortnuslaččat. Našuvnnalaš unnitlogugielat leat jiddisch, romani chib, sámegiella, suomagiella ja meänkieli.

Eanet vuoigatvuođa birra geavahit našuvnnalaš unnitlogugielaid siiddus

Oahppodoarjja – doarjja ja loatna oahpuide

Gávdnojit sierra oahppodoarjagat mat leat čadnon masa logat ja man boaris don leat. Dás leat dat dábáleamos:

Oahppoveahkki – doarjja dutnje guhte logat gymnásas ja leat 20 jagi dahje nuorabut

Don sáhtát oažžut oahppoveahki jus logat gymnásas gitta giđđatermiinna go deavddát 20 jagi. Oahppoveahkis leat sierra doarjaga, ovdamearkka dihte oahppodoarjja ja lasse lasáhus. Lasse lasáhus lea doarjja man sáhtát ohcat go veagas lea vuollegis sisaboahtu.

Diehtojuohkinmateriála dutnje guhte leat olgoriikka ássi

Doarjja CSN:s oahpuide gymnásas (på svenska)

Oahpporuhta – doarjja ja oahppoloatna

Oahpporuđas lea doarjja ja oahppoloatna. Don sáhtát ohcat oahpporuđa čakčatermiinna rájis go deavddát 20 jagi. Jus galggat lohkat maŋŋel gymnása oahpahusa, ovdamearkka dihte universitehtas, sáhtát ohcat oahpporuđa váikko leat nuorabut go 20 jagi. Oahppoloana fertet máksit ruovttoluotta maŋŋil.

Oahpporuhta CSN:s oahpuide (doarjja ja loatna) på svenska

Oahppodoarjja – doarjja dutnje guhte leat bargguheapme

Oahppoálggadoarjja lea dutnje guhte leat leamaš bargguheapme guhkit áiggi ja guhte dárbbahat lohkat sisa vuođđoskuvlla- dahje gymnásaoahpu oažžun dihte barggu. Lea doarjja man eanemusat oaččut 50 vahku jus logat ollesáiggi.

Oahppoálggadoarjja bargguhisvuođas (på svenska)

Nuppástuhttinoahppodoarjja (omställningsstudiestöd) - dutnje gii leat gasku bargoeallima

Nuppástuhttinoahppodoarjja lea oahppodoarjja rávesolbmuide geat leat guhkit áiggi bargan. Nuppástuhttinoahppodoarjagiin lea dus vejolašvuohta gazzat oahpu ja viiddidit gelbbolašvuođat, nannemis iežat seahtu bargomárkanis. Don sáhtát gazzat lassioahpu iežat oahpposuorgái dahje ođđasit skuvlet ieža virgái.

Nuppástuhttinoahppodoarjja lea sihke doarjja ja loatna. Bálkát mearrida man ollu sáhtát oažžut ja luoikat. Doarjja lea 80 proseantta bálkkástat, gitta alimusmáksui. Sáhtát maid lasihit dasa loana jus háliidat. Doarjaga sáhtát oažžut 44 vahkku; guhkit jus oasseáiggis logat.

Dá leat moadde eavttu oažžut nuppástuhttinoahppodoarjaga:

  • Don galggat leahkit gaskkal 27-62 jahkásaš.
  • Don galggat bargan unnimus 98 mánu (oktiibuot 8 jagi) dan maŋimuš 14 jagi.
  • Don galggat bargan unnimus 12 dan 24 maŋimuš mánu.
  • Don galggat gazzat oahpu mii nanne du seahtu bargomárkanis.

Gávdnojit vel eanet eavttut maid fertet váldit vuhtii.

Oza nuppástuhttinoahppodoarjaga Mu siidduin, csn.se. Ohcamuš lea ruoŧagillii. Leat guokte ohcanáigodaga juohke jagi, akta čavčča lohkanbáji oahpuide ja nuppi giđa lohkanbáji oahpuide.

Juohke jagi lea nuppástuhttinoahppodoarjaga bušeahtta ráddjejuvvon. Dat mearkkaša ahte vaikko ollašuhtát visot eavttuid, de it soaitte oažžut doarjaga. Mii gieđahallat ohcamušaid sisaboahtin ortnega mielde.

Gulahala maid áinnas iežat nuppástuhttinorganisašuvnnain. Doppe oččošit nuvttá oahppo- ja fidnobagadusa ja veahki duođaštit ahte oahppu nanne du seahtu bargomárkanis. Muhtimin lea maid vejolaš oažžut sis dievasmahttin oahppodoarjaga. Gulahala bargoaddiin dahje fágaservviin, jus it dieđe makkár nuppástahttinorganisašuvdnii don gulat.

Loga eanet nuppástuhttinoahppodoarjaga birra (ruoŧagillii)

Loga eanet nuppástuhttinoahppodoarjaga birra (eaŋgalasgillii)

Leat go olgoriikka ássi?

Don guhte leat olgoriika ássi soaitá lea riekti ruoŧa oahppodoarjagii jus ceavzzát muhtin eavttuid. Jus dus lea bistevaš orrunlohpi (permanent uppehållstillstånd, PUT) ja orut Ruoŧas de dus dávjá lea riekti ruoŧa oahppodoarjagii.

Jus don leat ožžon áigeráddjeduvvon orrunlobi Migrašuvnnadoaimmahagas danne go dus lea báhtareaddjistáhtus dahje sullasaš, de dus dávjá lea riekti ruoŧa oahppodoarjagii. Asylaohccin dus ii leat.

Muđui leat sierra njuolggadusat das makkár riikkas don leat ássi EO/EES siskkobealde dahje olggobealde dahje Šveica.

Máksit ruovttoluotta oahppoloana

Don guhte leat lohkan oahppoloanain CSN:S álggát vealggi máksit ruovttoluotta go válddát boddu dahje loahpahat oahpuid oahpporuđain. Dát lea gustovaš váikko leat bargguhaga, oaččut váhnenruđa dahje jođát olgoriikii. Dás gávnnat dieđuid got mávssát ruovttoluotta ja maid sáhtát bargat jus oaččut váttisvuođa máksit.

Máksit ruovttoluotta oahppoloana

Don sáhtát luoikkahit ruđaid CSN’s jus áiggut alccat háhkat ruoŧa vuodjingoartta B ceahki vuodjindohkálašvuođain. Vuodjingoarttain sáhttá leat álkibut oažžut barggu.

Don sáhtát ohcat vuodjingoartaloana jus don leat

  • gaskal 18 ja 47 jagi, leat barggu haga ja ollašuhtát dihto eavttuid dahje
  • leat 19–20 jahkásaš ja lea logahaga loahppageahččaleapmi dahje sullasaš.

Eanemus supmi maid sáhtát luoikkahit lea 15 000 ruvnno. Loana galggat maŋŋelis máksit ruovttoluotta leatgo váldán vuodjingoartta vai it.

Diehtojuohkinmateriála vuodjingoartaloana birra (på svenska)

 

Váldde oktavuođa minguin

Jeara rievtti birra ruoŧa oahppodoarjagii

Riŋge minsiidda rievtti birra ruoŧa oahppodoarjagii

Mán-bearj, 9.00-12.00

0771 276 300

Raba e-boasttaskovi

ebrev@csn.se

Mii dábálaččat vástidit 3 beaivvis.

Jearaldagat oahppodoarjaga bir

Riŋge minsiidda oahpuid birra

Mán-bearj, 9.00-13.00

0771 276 000

Raba e-boasttaskovi

ebrev@csn.se

Mii dábálaččat vástidit 3 beaivvis.

Jearaldagat oahpporuđa ruovttoluottamáksin

Riŋge minsiidda ruovttoluottamáksima birra

Mán-bearj, 9.00-13.00

0771 276 000

Raba e-boasttaskovi

ebrev@csn.se

Mii dábálaččat vástidit 3 beaivvis.

Jearaldagat ruovttobierggasloana birra

Riŋge minsiidda ruovttoluottamáksima birra

Mán-bearj, 9.00-12.00

0771 276 100

Raba e-boasttaskovi

hemutrustningslan@csn.se

Mii dábálaččat vástidit 3 beaivvis.

Jearaldagat vuodjingoarttaloana birra

Riŋge minsiidda vuodjingoartaloana birra

Mán-bearj, 9.00-12.00

0771 276 000

Raba e-boasttaskovi

Mii dábálaččat vástidit 3 beaivvis.

Updated: 2024-03-25
Did this page help you?