Sámi - åarjelsaemiengïele

CSN lea dïhte åejvieladtje mij gïetede dam sveerjen lohkemedåarjoem, dïhte sæjhta jiehtedh dåarjoe jïh lööneme lohkemidie. Mijjieh aaj gïetedibie vuejemekåarhte-lööneme jïh hïejmereejrehtimmie-lööneme. Daesnie datne maahtah vielie lohkedh dej ovmessie dåarjoej bïjre. Bïevnesh åarjelsaemiengïelesne lea bijjebe daltesisnie.

Dov reakta nasjonaale unnebelåhkoegïelem nuhtjedh
Lohkemedåarjoe – dåarjoe jïh lööneme lohkemidie
Maeksieh bååstide lohkemedåarjoem
Gaskesadth mijjiem

Dov reakta nasjonaale unnebelåhkoegïelem nuhtjedh

Datne lïhtseginie aktene nasjonaale unnebelåhkojste datne reaktam åtnah dov gïelem nuhtjedh gaskesadtemisnie åejvieladtjigujmie. Sveerjen nasjonaale unnebelåhkoeh leah judarh, romerh, saemieh, sveerjesåevmieladtjh jïh torneladtjh. Dah nasjonaale unnebelåhkoegïelh leah jiddisch, romani chib, samiengïelh, såevmiengïele jïh meänkieli.

Jienebh reaktan bïjre dejtie nasjonaale unnebelåhkoegïelide nuhtjedh
sprakochfolkminnen.se

Lohkemedåarjoe – dåarjoe jïh lööneme lohkemidie

Dah gååvnesieh ovmessie lohkemedåarjoeh dan mietie maam datne lohkh jïh man båeries datne leah. Daesnie dah daamhtemes:

Datne lohkeminie jåarhkeskuvlesne maahtah lohkemeviehkiem åadtjodh gïjretermijnen raejeste jaepien gosse 20 jaepieh illh. Lohkemeviehkie lea ovmessie dåarjoeh, vuesiehtimmieh lohkemedåarjoe jïh lissie. Lissie lea dåarjoe maam maahtah ohtsedidh jis dov fuelhkie vuelie baalhkam åtna.

Dåarjoe CSN:este lohkemasse jåarhkeskuvlesne (på svenska)

Lohkememaekseme leah dåarjoe jïh lohkemelööneme. Datne maahtah lohkememaeksemem ohtsedidh tjaktjetermijnen raejeste jaepien gosse 20 illh. Jis datne edtjh lohkemem ohtsedidh jåarhkeskuvlen mænngan vuesiehtimmie universiteetesne, maahtah lohkememaeksemem ohtsedidh jïlhts nuerebe enn 20 jaepieh. Lohkemelöönemem tjoerh bååstide maeksedh.

Lohkememaekseme CSN:este lohkemidie (dåarjoe jïh lööneme) på svenska

Lohkemeaalkoedåarjoe dutnjien gie guhkiem barkohts jïh daarpesjh maadth- jallh jåarhkeskuvleööhpehtimmiem lohkedh guktie maahtah barkoem åadtjodh. Dïhte lea dåarjoe maam datne maahtah åadtjodh jeenjemes 50 våhkoej raejesne jis datne elliestïjjem lohkedh.

Lohkemeaalkoedåarjoe jis barkohts (på svenska)

Jarkelimmiestudijedåarjoe lea studijedåarjoe geerve almetjidie mah leah guhkiem barkeme. Jarkelimmiestudijedåarjojne maahtah studeeredh jïh dov maahtoem gamtedidh guktie dov sijjie barkoemaarhnesne nænnoestidh. Datne maahtah dov suerkesne vijrebe evtiedidh jallh orre barkoeööhpehtimmiem lohkedh.

Jarkelimmiestudijedåarjoe lea dåarjoe jïh lööneme. Man jïjnjh datne maahtah åadtjodh jïh löönedh lea jearohke dov baalhkeste. Dåarjoe lea 80 % dov baalhkeste, maakse-maeksemen raajan. Datne maahtah aaj lööneminie dievhtedh jis sïjhth. Datne maahtah dåarjoem 44 våhkoeh åadtjodh, guhkebe jis bielietïjjesne studeeredh.

Daesnie naan dejstie tsiehkijste guktie jarkelimmiestudijedåarjoem åadtjodh:

Datne edtjh 27 – 62 jaepien båeries.
Datne galkh unnemes 96 askh barkeme (ikte-mearan 8 jaepieh) dej minngemes 14 jaepiej raejesne.
Datne galkh unnemes 12 askh barkeme dejstie minngemes 24 askh.
Datne edtjh ööhpehtimmiem lohkedh mij dov sijjie barkoemaarhnesne nænnoste.

Aaj vielie tsiehkieh gååvnesieh mah datne tjoerh krööhkestidh.

Datne jarkelimmiestudijedåarjoem ohtsedh Mina sidor csn.se:sne. Ohtsemem sveerjengïelesne. Dah leah göökte ohtsemeboelhkh fïerhten jaepien, akte studijidie mah tjaktjen aelkieh jïh akte studijidie mah gïjren aelkieh.

Fïerhten jaepien gaertjiedamme budsjedtem gååvnese jarkelimmiestudijedåarjose. Dïhte sæjhta jiehtedh gaajhkh gïeh ohtsedieh eah dåarjoem åadtjoeh vaallah tsiehkide krööhkestidh. Mijjieh ohtsemidie jååhkesjieh dejnie öörneginie mah ohtsemh båetieh.

Bïeljelh aaj dov jarkelimmieorganisasjovnem. Desnie maahtah namhtah studije- jïh barkoebïhkedimmiem åadtjodh jïh dah vïhtesjimmine viehkiehtieh mij vuesehte ööhpehtimmie dov sijjie barkoemaarhnesne nænnoste. Sjïere tsiehkine maahtah aaj lissie studijedåarjoem destie åadtjodh. Jis ih daejrieh mij jarkelimmieorganisasjovne datne govlesåvva maahtah dov barkoevedtijem jallh dov faagesiebriem gihtjedh.

Lohkh vielie jarkelimmiestudijedåarjoen bïjre (sveerjengïele)

Lohkh vielie jarkelimmiestudijedåarjoen bïjre (englaanten gïele)

Datne ålkoelaanten årroje?

Datne gie ålkoelaanten årroje maahtah reaktam utnedh sveerjen lohkemedåarjose jis datne sjïere tsiehkieh illedh. Jis datne eejnegen årromeluhpiem (PUT) åtnah jïh Sveerjesne årroeh datne daamhtaj reaktam åtnah sveerjen lohkemedåarjose.

Jis datne åådtjeme tïjjegaertjiedamme årromeluhpiem Migrationsverkeste juktie dov lea baataræjjastatusem jallh seammaleejns, datne daamhtaj aaj reaktam åtnah sveerjen lohkemedåarjose. Ih datne asyjleohtsijinie reaktam dïsse utnieh.

Aaj ovmessie njoelkedassh dan mietie gusnie datne leah årroje, jis laante EU/EES jallh Schweizen sisnie jallh ålkoelisnie.

Sveerjen lohkemedåarjoen bïjre dutnjien gie ålkoerïjhken årroje (på svenska)

Maeksieh bååstide lohkemedåarjoem

Datne gie lohkeme lohkemedåarjojne CSN:este aalka bååstide maeksedh gåessie datne ih ståantem lohkh vuj lohkemidie lohkemedåarjojne illedh. Naemhtie aaj jis datne barkohts, åadtjoeh eejhtegemaaksoem jallh ålkoelaantese juhtedh. Daesnie bïevnesh gaavnh guktie datne bååstide maaksah jïh maam maahtah darjodh jis ih maehtieh maeksedh.

Maeksieh bååstide lohkemedåarjoem

Datne maahtah åadtjodh beetnegh CSN:este löönedh guktie maahtah sveerjen vuejeme-kåarhtem vaeltedh vuejemekåarhte-luhpine B. Aktene vuejeme-kåarhtine maahta aelhkebe årrodh barkoem åadtjodh.

Datne maahtah vuejemekåarhte-löönemem ohtsedidh jis datne

18 jïh 47 jaepiej gaskem, leah barkohth jïh sjïere eaktoeh illedh jallh
19 – 20 jaepieh jïh jåarhkeskuvleeksamenem jallh seammaleejns åtnah

Jeenjemes maahtah 15 000 kråvnah löönedh. Löönemem tjoerh mænngan bååstide maeksedh jïh daam tjoerh darjodh jïlhts idtjih dov vuejeme-kåarhtem vaeltieh.

Bïevnese-materijaale vuejemekåarhte-löönemen bïjre (på svenska)